new1 new2 new3 new5 new6
76°
24°
°F | °C
Sunny
Humidity: 50%
Fri
Mostly Sunny
57 | 77
13 | 25
Sat
Partly Cloudy
49 | 68
9 | 20
Friday, April 20, 2018
Text Size
இயேசு, 'தந்தையே, இவர்களை மன்னியும். ஏனெனில் தாங்கள் செய்வது என்னவென்று இவர்களுக்குத் தெரியவில்லை என்று சொன்னார். லூக்கா:23:34

கடவுளிடமிருந்து பிறக்கும் அனைத்தும் உலகை வெல்லும்

இன்று உயிர்ப்புக் காலம் இரண்டாம் ஞாயிறும், இறை இரக்கத்தின்

ஞாயிறுமாகும். திருத்தூதர் யோவான் சிலுவை அடியில் நின்றவர். அன்னை மரியாளை தன் அன்புத் தாயாக ஏற்றுக் கொண்டார். இறைமகன் இயேசுவினால் அதிகம் அன்பு செய்தவர் என்று நாம் அறிந்த உண்மை. அவர் இறைமகன் இயேசுவின் அன்பை ஆழமாக உணர்ந்து அனுபவித்த காரணத்தால் அவர் இவ்வாறு கூறுகின்றார். கடவுளிடமிருந்து பிறக்கும் அனைத்தும் உலகை வெல்லும் என்று. கடந்த நாட்களில் திருவழிபாட்டிற்காக தரப்பட்ட இறைவாசகங்களை தியானிக்கின்ற வேளையில் உணர்ந்த உண்மை யாதெனில், உயிர்த்த இயேசுவின் அருள் பிரசன்னத்தை தன்னுடன் நெருங்கி இருந்த திருத்தூதர்களால் கூட அறிந்து கொள்ள முடியவில்லை. அவர் பலமுறை உயிர்ப்பைபற்றி அவர்களிடம் கூறியிருந்தும் அவர்களால் விசுவசிக்க முடியவில்லை. யூதர்களுக்காக அஞ்சி வாழ்ந்தார்கள். பயம் மனக்கவலையால் அவர்கள் மனம் அடைபட்டுவிட்டது. இறைமகன் இயேசு அப்பத்தைபிட்டு பகிரும்போதுதான்   அவர்களால் அவர் இயேசு என்று உணரமுடிந்தது. நாமும் அவர்களைப் போல் தான் இன்னும் வாழ்ந்து கொண்டிருக்கின்றோம். அவரது பிரசன்னம் நம்மோடு இருந்தும்கூட, அவரை அனுபவிக்க முடியாமல் தவிக்கின்றோம். அவரை அனுபவிக்க தூய்மை நிறைந்த உள்ளமும், தூய்மையான வாழ்வும் தேவை. இன்றைய வாசகங்களின் வழியாக இறைவன் நமக்கு தரும் உண்மையான நற்செய்தி என்னெவென்றால் விசுவாசம் நம்பிக்கை என்ற இரண்டு மாபெறும் அருள் கொடைகள் நமக்குத் தேவை என்று. இறைமகன் இயேசுவிடம் நம்பிக்கை கொள்பவர்கள் அனைவரும் கடவுளிடமிருந்து பிறந்தவர்கள் என்று தெள்ளத் தெளிவாக இறைவார்த்தை எடுத்துரைக்கின்றது. மேலும் கடவுளிமிருந்து பிறக்கும் அனைத்தும் உலகை வெல்லும். உலகை வெல்லுவது இறைமகன் இயேசு கிறிஸ்து ஒருவரால் மட்டுமே என்று அவர் விளக்குகின்றார்.

நவீன உலகத்தில் அறிவியிலும் விஞ்ஞானமும் வளர்ந்து வருகின்ற காலக்கட்டத்தில் நாம் அனைவரும் உலகப் போக்கின்படிதான் ஒவ்வொரு நாளும் வாழ்ந்து கொண்டிருக்கின்றோம். நமது நடைமுறைகள், பண்பாடுகள் அனைத்தும் உலகின் போக்கின்படிதான் உள்ளது. நம்முடைய வாழ்வு மிகவும் பரிசுத்தமாய் இருக்க வேண்டும். மேலை நாடுகளில் வாழும் நாம் அனைவரும் நாம் செய்கின்ற பாவங்களுக்கு மனம் வருந்துவதில்லை, பாவம் நிறைந்த உள்ளத்துடன் இறைமகன் இயேசுவின் திருஉடலை உட்கொண்டு அவரை வேதனைப் படுத்துகின்றோம். ஆண்டவரிடம் நம்பிக்கை கொண்டவர்கள் ஒரே உள்ளமும் ஒரே உயிருமாய் இருந்தார்கள் எனறு காண்கின்றோம். இன்று நமது கிறிஸ்துவ சமூகத்தில் எத்தனை பிளவுகள், எத்தனை மனக் கசப்புக்கள், நான் உயர்ந்தவன், நீ உயர்ந்தவன் என்ற பாகுபாடுகள். நமது வழிபாடுகளில் இறைவனின் வல்லமையை பெற்றுச் செல்கின்றோமா? அல்லது மனக்கசப்பை பெற்றச் செல்கின்றோமா? சிந்திக்கவும். திருப்பலியில் பங்கு பெறும்போது ஒரே உள்ளம் கொண்டவர்களாக இருக்கின்றோமா? உயிர்த்த இயேசுவின் பிரசன்னத்தை உணர்ந்து அவருடன் வாழ்ந்தோம் என்றால் நம்மிடையே இப்டிபட்ட மாற்றங்கள் காண்பதற்கு வாய்ப்பு இல்லை. இறைமகன் இயேசு கிறிஸ்துவின் வழியாக மட்டுமே நம்மால் உலகை வெல்ல முடியும். உயிர்த்த இறைமகன் இயேசு நம்மிடம் வாழ்கின்றார் என்று நானும் நீங்களும் நம்புகின்றோமா? இறைவார்த்தையை நமது வாழ்வில் தியானித்து அருள்வாழ்வில் வளர்ந்தால் நம்மால் ஒரே உள்ளம் கொண்ட இறைசமூகமாக வாழ முடியும்.

திருத்தூதர் மத்தேயு எழுதிய நற்செய்தி 18: 19-20 இறைவசனங்களில் இறைமகன் இயேசு கூறுகின்றார் “ உங்களுள் இருவர் மண்ணுலகில் தாங்கள் வேண்டும் எதைக் குறித்தும் மனமொத்திருந்தால் விண்ணுலகில் இருக்கும் என் தந்தை அதை அவர்களுக்கு அருள்வார். ஏனெனில் இரண்டு அல்லது மூன்று பேர் என் பெயரின் பொருட்டு எங்கே ஒன்றாகக் கூடியிருக்கின்றார்களோ அங்கே அவர்களிடையே இருக்கின்றேன் என உறுதியாக உங்களுக்குச் சொல்கிறேன் “என்ற இறைமகன் இயேசுவின் வார்த்தையை நம்புவோம். இறைமகன் இயேசுவின் அருள் பிரசன்னத்தை இழக்காமல் இருக்க முயற்சி செய்வோம்.

இரக்கம் மிகுந்த இயேசுவே நாங்கள் பாவிகளாய் வாழ்ந்தும் எங்களை அன்பு செய்வதற்காக உமக்கு நன்றி.

இரக்கம் மிகுந்த இயேசுவே நீர் எங்களை மன்னிப்பது போல் நாங்கள் எங்களையே மன்னிக்க முடியாத தருனத்திற்காக எங்களை மன்னித்தருளும்.

இரக்கம் மிகுந்த இயேசுவே உமது அளவிட முடியாத இரக்கத்தை உணராமல் ஊதாரித் தனமாக உலகப் போக்கில் வாழ்வதற்காக எங்களை மன்னித்தருளும்.

இரக்க மிகுந்த இயேசுவே உமது திரு உடலை பாவம் நிறைந்த உள்ளத்தோடு வாங்கியதற்காக எங்களை மன்னித்தருளும்.

இரக்கம் மிகுந்த இயேசுவே நவீன உலகத்தில் அனுபவிக்கும் பலவகையான சுகங்கள் உமது அன்பிற்கு எதிராக உள்ளதை என்பதை நன்கு உணர்ந்தும் அதற்கு அடிமையாக வாழ்வதற்கு எங்களை மன்னித்தருளும்.

இரக்கம் மிகுந்த இயேசுவே மேலை நாடுகளில் வாழும் தமிழ் இறைசமுகத்தின் மீது உமது இரக்கத்தைப் பொழிவதற்காக நன்றி செலுத்துகின்றோம். விசுவாசம் மறைந்து கொண்டிருக்கும் இவ்வேளையில் நாங்கள் அனைவரும் நற்செய்தியின் விழுமியங்களை நன்கு கற்று அதன்படி வாழ்ந்து கிறிஸ்துவ சமூதாயத்தை கட்டி எழுப்ப வரம் தந்தருளும்.

நாங்கள் அனைவரும் உம்மிடமிருந்து பிறந்தவர்கள் ஆகையால் எங்களால் உலகை வெல்ல முடியும் என்ற நம்பிக்கையில் முன்னோக்கி பயணிக்க, உமது ஆவியானவரின் கொடைகளை எங்கள் அனைவரின் மீதும் பொழிந்தருளும்.

இயேசு அவரிடம், நீ என்னைக் கண்டதால் நம்பினாய். காணாமலே நம்புவோர் பேறுபெற்றோர். யோவான் 20:29

கிறிஸ்துவே உங்களுக்கு வாழ்வு அளிப்பவர்

இன்று பாஸ்கா ஞாயிறு. இருளை வென்று வாழ்வு தந்தவர் உயிர்ப்பின் இறைமைந்தனாகிய இயேசு கிறிஸ்து. கிறிஸ்துவே உங்களுக்கு வாழ்வு அளிப்பவர் என்று திருத்தூதர் பவுலடிகளார் கொலோசையர்க்கு எழுதிய திருமுகத்தில் கூறுகின்றார். குளிர் காலத்தைக் கடந்து இயற்கையும் வசந்த காலத்தை கையில் ஏற்று, பட்டது போல் காட்சியளிக்கும் மரங்களிலிருந்து துளிர்விட்டு வரும் பச்சை இலைகளும், சாலை ஓரங்களில் புல்தரையிலிருந்து புதிய பூச்செடிகள் தலைதூக்கி மலரும் மலர்களின் அழகு அனைத்தும் புதிய வாழ்வைப்பற்றி எடுத்துரைக்கின்றது. இறைவனுடன் நாற்பது நாட்களில் பலதரப்பட்ட தவங்களை செய்து , பாவங்களால் மூடப்பட்ட கல்லறையாக நமது மனத்தில் மாற்றம் பெற்று இன்று உயிர்ப்பின் ஆசீர் வாதங்களை பெறுவதற்கு தயாராக உள்ளோம். நாம் அனைவரும் திருமுழுக்கின் வழியாக உயிர்த்த கிறிஸ்துவுடன் ஒன்றிணைந்து புதுவாழ்வு பெற்றவர்கள். கிறிஸ்துவோடு நாம் இறந்தோமாயின், அவரோடு வாழ்வோம் என்பதே நாம் கொண்டுள்ள நம்பிக்கை என்று திருத்தூதர் பவுல் உரோமையர் திருமுகத்தில் கூறுகின்றார். கிறிஸ்துவர்களாகிய நானும் நீங்களும் திருமுழுக்கின் வழியாக உயிர் பெற்றிருந்தாலும் சில வேளையில் இருள்நிறைந்த மூடிவைக்கப்பட்ட கல்லறைகளாய்த்தான் இன்றும் வாழ்ந்து வருகின்றோம்.

இறைமகன் இயேசு இறந்த லாசரின் கல்லறையின் கதவைப் திறந்து புதுவாழ்வு கொடுத்தது போல் இன்று நாம் நமது இதயக் கல்லறைகளை திறக்க விடுவோம். அவரால் தான் புதுவாழ்வை நமக்கு கொடுக்க முடியும். அவர் எவ்வாறு நிலைவாழ்வைப் பெற்றார் என்று சிந்திப்போம். இறைமகன் இயேசுவை தன்னம் தனியே விட்டு விட்டு அனைவரும் ஓடிப் போய்விட்டனர். ஓசான்னா பாடி அரசராக்க வேண்டியவர்கள் அவருடன் இருக்க வில்லை. எவ்வளவு இழிநிலைக்கு அவரை தள்ளப்பட்டு இருப்பினும் அவர் தந்தையாகிய இறைவனுக்கு கீழ்படிந்து சிலுவை மரணத்தை அமைதியுடனும், தாழ்ச்சியுடனும் நம் அனைவருக்காக ஏற்று கொண்டார். சிலுவைதான் நமக்கு வெற்றியைத் தருவது. அவர் எவ்வாறு பாவத்தை ஒழிக்க இறந்தாரோ அதேபோல் நாமும் இதயம் என்னும் கல்லறையில் கிடக்கும் பாவத்தை களைந்து எரிய வேண்டும். இறைமகன் இயேசு அளிக்கும் உயிர்ப்பு என்னும் அருள் கொடைகளால் நமது பாவங்களைக் களைந்து மனம் மாறிய மகனாக மகளாக மாறுவோம். இறைவன் முன் நாம் எப்பொழுதும் பரிசுத்தமாய் வாழவேண்டும். உயிர்த்த இறைமகன் இயேசு நம்மோடு வாழ்கின்றார் என்று ஆழந்த விசுவாசமும், நம்பிக்கையும் நமக்கு உண்டாக வேண்டும். இறைமகன் இயேசு கிறிஸ்துவின் போதனைகளுக்கு எதிராக நடக்கும் இக்காலக்கட்டத்தில் ஒவ்வொருவரும் உயிர்ப்பின் உண்மை சாட்சிகளாய் விளங்க அவருடைய வார்த்தையை நன்கு அறிந்திருக்க வேண்டும். இறைவிசுவாசம் மறைந்து கொண்டிருக்கும் மேலைநாடுகளில் வாழும் தழிழ் இறைக்குலம் இதனைக் கட்டி எழுப்ப வாய்ப்புக்கள் நிறைய உள்ளது என்பதை அறிந்து, இறைமகன் இயேசுவுக்கு உண்மை சாட்சிகளாய் இருப்போம்.

திருத்தூதர் யோவான் நற்செய்தியில் இறைமகன் இயேசு முன்கூட்டியே வாழ்வு தரும் உணவு நானே என்று 6 ஆம் அதிகாரத்தில் கூறுகின்றார். விண்ணகத்திலிருந்து இறங்கி வந்த வாழ்வு தரும் உணவு நானே, இந்த உணவை எவராவது உண்டால் அவர் என்றுமே வாழ்வார், மேலும் “உறுதியாக உங்களுக்குச் சொல்கிறேன்: மானிடமகனுடைய சதையை உண்டு அவருடைய இரத்தத்தைக் குடித்தாலொலிய நீங்கள் வாழ்வு அடையமாட்டீர்கள் என்று. ( 6:51,53) ஆண்டுதோறும் உயிர்ப்பு விழாவை வெறும் சடங்காகவும் கடமையாகவும் கொண்டாடாமல், சிலுவையில் தன்னையே கொடையாக தந்தவர் ஒவ்வொரு திருப்பலியிலும் சிறு கோதுமை அப்பத்தின் வழியாக நமக்கு வாழ்வு தருகின்றார் என்பதை விசுவசித்து புதுபடைப்பாக கட்டி எழுப்பட்டு, மேலுகு சார்ந்தவற்றை நாடுவோம். நவீன உலகத்தில் பயணம் செய்பவர்களாகிய நாம் அனைவரும் நவீன பொருட்களும்,பணம், பதவி, ஆடம்பர சுக வாழ்வுகள், நமக்கு நிரந்தர வாழ்வைக் தருகின்றது என்று நமபி அவற்றை அடைவதற்கு ஓடுகின்றோம், அவற்றில் மகிழ்ச்சியும், இன்பமும் அடைகின்றோம். ஆனால் நமக்கு நிலைவாழ்வைத் தரக்கூடியவர் இறைமகன் இயேசு ஒருவர் மட்டுமே என்பதை ஆழமாக அறிந்திருக்க வேண்டும். தாகமாய் இருப்போர் என்னிடம் வரட்டும்; விருப்பம் உள்ளோர் வாழ்வு தரும் தண்ணீரை இலவசமாய்க் குடிக்கட்டும் என்ற இறைவனிடம் நம்பிக்கையுடன் செல்வோம் ஏனென்றால் அவர் இருளை வென்ற இறைமகன். நம் அனைவரையும் உயிரப்பின் வேந்தனாக விளங்கும் அவர் மகிழ்ச்சியின் பாதையில் நம் அனைவரையும் வழி நடத்தட்டும்.

உயிர்த்தெழச் செய்பவனும் வாழ்வு தருபவனும் நானே. என்னிடம் நம்பிக்கை கொள்பவர் இறப்பினும் வாழ்வார். உயிரோடு இருக்கும் போது என்னிடம் நம்பிக்கை கொள்ளும் எவரும் என்றுமே சாகமாட்டார். யோவான் 11:25-26

1.தந்தையே, இவர்களை மன்னியும். ஏனெனில் தாங்கள் செய்வது என்னவென்று இவர்களுக்குத் தெரியவில்லை. லூக்கா 23:34

இறைவா எனக்கு மன்னிக்கும் உள்ளத்தை தந்தருளும்.

2. ஏலி லெமா சபக்தானி? அதாவது, என் இறைவா, என் இறைவா, ஏன் என்னைக் கைவிட்டீர்? மத்தேயு : 27:45

இறைவா என்னை ஒருபோதும் கைவிடாதேயும்.

3. நீர் இன்று என்னோடு பேரின்ப வீட்டில் இருப்பீர் என உறுதியாக உமக்குச் சொல்கிறேன். லூக்கா 24:43

இறைவா பிறருக்காக செபிக்க எனக்கு கற்றுத் தாரும்.

4. தந்தையே, உம் கையில் என் உயிரை ஒப்படைக்கின்றேன். லூக்கா 24:46

இறைவா உமது திருவுளத்தின்படி நடக்க உதவியருளும்.

5. இயேசு தம் தாயையும் அருகில் நின்ற தம் அன்புச் சீடரையும் கண்டு தம் தாயிடம், “அம்மா, இவரே உம் மகன் “என்றார். பின்னர் தம் சீடரிடம், “இவரே உம் தாய்“ என்றார். யோவான் 19: 26-27

இறைவா பிறருக்கு உதவி செய்ய நல்ல இதயம் தந்தருளும்.

6. தாகமாய் இருக்கிறது. யோவான் 19 :28

இறைவா ஆன்ம வாழ்விற்காக தாகமாய் இருப்போருக்கு உதவ நல் உள்ளங்களைத் தந்தருளும்.

எல்லாம் நிறைவேறிற்று. யோவான் 19:30

இறைவா இன்று உம்மிடம் அழைக்கப் பட்டவர்ககள், யாரும் நினையாத ஆன்மாக்களையும் உமது விண்ணக பேரின்ப வீட்டில் உம்மோடு ஒன்று இணைத்தருளும்.

இன்று புனித வெள்ளி நாளைப்பற்றி நமது இதயத்தில் தியானிக்கும்போது இறைமகன் இயேசுவின் கொடூர சிலுவை மரணம் நம் கண்முன் நிற்கின்றது. இறைவாக்கினர் எசாயா நூல் அதிகாரம் 53, 5வது இறைவசனம் கூறுகிறது “ அவர் நம் குற்றங்களுக்காகத் காயமடைந்தார்; நம் தீச்செயல்களுக்காக நொறுக்கப்பட்டார்; நமக்கு நிறைவாழ்வை அளிக்க அவர் தண்டிக்கப்பட்டார்; அவர்தம் காயங்களால் நாம் குணமடைகின்றோம்“ என்று. நம் ஒவ்வொருவரின் பாவங்களுக்காக சிலுவையில் மரணத்தை மனப்பூர்வமாக ஏற்றுக் கொண்டு மூன்று மணி நேரம் அனைத்து வேதனைகளையும் பொறுமையுடன் தாங்கிக் கொண்டு நமக்கு மீட்பு அளிப்பதற்காக சிலுவைியல் இறந்தார். அவர் பாடுகளின் போது சிந்திய ஒவ்வொரு துளி இரத்தமும் நமக்காக மட்டும் என்பதை உணரவேண்டும். நொறுங்கிய குற்றமுணர்ந்த உள்ளத்தை ஒருபோதும் இறைவன் அவமதிப்பதில்லை. இறைமகன் இயேசுவே உமத பரிசுத்த திரு இரத்ததால் எங்களையும், உலகம் முழுவதையும் பரிசுத்தமாக்கும். தீயசக்திகளின் பிடியிலிருந்து எங்களையும் உலகையும் பாதுகாத்தருளும். எங்கள் உள்ளங்களில் கறைபடிந்திருக்கும் அனைத்து பாவங்களையும் மன்னித்தருளும். இறைமகன் இயேசுவே நீர் பொழிந்த ஏழு பொன் பொழிகளை தியானித்து அதன் அர்த்தத்தை வாழ்வாக்க துணைபுரியும். இறைவனுக்கும் அயலானுக்கும் எதிராக செய்யும் பாவங்களுக்காக மனம் குமுறி மன்னிப்பு கேட்டு இறைவனுடன் புதிய மனிதனாக நட்புறவைத் தொடர்வோம். இறைவன் நம் அனைவரையும் நிறைவாக ஆசீர்வதிப்பாராக!

ஆண்டவராகிய என் தலைவர் துணை நிற்கின்றார்; நான் அவமானம் அடையேன்

இன்று ஆண்டவருடைய திருப்பாடுகள் குருத்து ஞாயிறு. புனிதவாரத்தில் இறைமகன் இயேசுவின் துன்பங்கள், பாடுகள், மரணத்தை தினிக்கப்போகின்றோம். இறைமகன் இயேசு தனது இறையாட்சிப் பணியில் ஏழையர்களுக்கு நற்செய்தியை அறிவித்தார், பாவத்தின் பிடியில் சிறைபட்டோருக்கு விடுதலை அளித்தார், பார்வை இழந்தோருக்கு பார்வைபெறச் செய்தார், சமுதாயத்தில் ஒடுக்கப்பட்டோருக்கு மறுவாழ்வு கொடுத்தார். ஆகையால் மக்கள் அனைவரும் அவரை இஸ்ரயேலின் அரசர் அவர்கள் அனைவருக்கும் விடுதலை அளிக்கப் போகின்றார் என்று நம்பி அவருக்கு ஓசன்னா! ஆண்டவர் பெயரால் வருகிறவர் போற்றப் பெறுக! வரவிருக்கும் நம் தந்தை தாவீதின் அரசு போற்றப்பெறுக! உன்னதத்தில் ஓசன்னா! என்று வாழ்த்திப் புகழ்கின்றார்கள். அரசருக்கெல்லாம் அரசராக நேற்றும் இன்றும் என்றும் வாழ்பவர் யாரும் அமராத கழுதைக் குட்டியின் மேல் அமர்ந்து எருசலேமுக்குள் சென்று கோவிலில் நுழைகின்றார். ஆனால் அந்த புகழ் நிரத்தரமான ஒன்று அல்ல, யூதர்களின் அரசராக புகழ்ந்த மக்கள் அவரைச் சிலுவையில் அறையும் சிலுவையில் அறையும், , ஒழிக ஒழிக இவன் சாக வேண்டும் என்று கத்துகின்றார்கள். தனது பணிவாழ்வில் அனைத்திலும் பங்கு பெற்று அவரைப் பின்பற்றிய அன்பு சீடர்களின் ஆணையிட்டு மறுதலிப்பு, முப்பது வெள்ளிக் காசுக்காக காட்டி கொடுத்தது, குருக்களும் மக்களின் மூப்பர்களும் அனுப்பிய பெருங்கூட்டம் வாள்களோடும் தடிகளோடும் வந்து அவரைப் பிடித்த போதும், தலைமைக் குருக்களுக்கும், மூப்பர்களுக்கும், மறைநூல் அறிஞர்களும் அவர்மேல் பொய்குற்றம் சுமத்திய போதும், இவன் சாக வேண்டியவன் என்று என்று கூறி அவரை முகத்தில் துப்பி அவரைக் கையால் குத்திய போதும், அவரைக் கன்னத்தில் அரைந்த போதும், அவரைக் கட்டி இழுத்துச் சென்று ஆளுநன் பிலாத்திடம் ஒப்புவித்த போதும், அவருக்கு எதிராக குற்றம் சுமத்திய போதும், பரபா என்ன பேர்போன கைதியை தன்னிடம் ஒப்பிட்ட போதும், பிலாத்து மெசியா என்னும் இயேசுவை என்று கேட்ட போது அனைவரும் சிலுவையில் அறையும், இவனுடைய இரத்தப்பழி எங்கள் மேலும் எங்கள் பிள்ளைகள் மேலும் விழட்டும் என்று கூறிய போதும், ஆளுநனின் படைவீரர்கள் கருஞ்சிவப்பு நிறமுள்ள தளர் அங்கியை அணிவித்து, முள்முடி பின்னி அவரது தலையின்மேல் வைத்து,ஒரு கோலைக் கொடுத்து அவர்முன் முழந்தாள்படியிட்டு, யூதரின் அரசரே வாழ்க என்று தலையில் அடித்து, அவரது முகத்தில் துப்பி ஏளனம் செய்த போதும், கள்வர்களின் ஒருவன் பழித்துரைத்த போதும், களப்பு கலந்த திராட்சை இரசத்தைக் குடிக்க கொடுத்த போதும், தன்னுடைய ஆடையை குழுக்கல் முறையில் பங்கிட்ட போதும், சிலுவையில் மாசுபடாத கைகளையும் கால்களையும் ஆணையால் அறைந்தபோதும், விலாவை ஈட்டியால் குத்திய போதும், அவர் அமைதிகாத்தார். அவர் யாரையும் தீர்ப்பிடவில்லை, தந்தையாம் இறைவன் தன்னிடம் ஒப்படைத்த பணியைச் செய்வதற்காக இறுதிமட்டும் கீழ்படிந்து வெற்றி கொண்ட அரசர்.

இந்த மாபெறும் மறைபொருளைத்தான் இறைவாக்கினர் எசாயா முதல் வாசகத்தில் மிக அழகாக சித்தரித்துள்ளார். இறைவாக்கினர் எரேமியா கூறியது போல் வெட்டுவதற்குக் கொண்டு செல்லும் சாந்தமான செம்மறிப்போல் அவர் எனக்காகவும் உங்களுக்காகவும் அவ்வாறு நடந்து கொண்டார். அனைத்துச் தீச்செயல்களுக்கும் அவர் கிளர்ந்ததெழவில்லை, விலகிச் செல்லவுமில்லை, அடிப்போர்க்கு என் முதுகையும் தாடியைப் பிடுங்குவோர்க்கு என் தாடையையும் ஒப்புவித்தேன், நிந்தனை செய்வோர்க்கும் காறி உமிழ்வோர்க்கும் என் முகத்தை மறைக்கவில்லை. ஆண்டவராகிய என் தலைவர் துணைநிற்கின்றார்; நான் அவமானம் அடையேன் என்ற வாக்கு அவருடைய வாழ்வில் நிறைவேறியதை இன்றைய வாசகத்தின் வழியாக உணர்கின்றோம்.

இன்று என்னால் இப்படிப்பட்ட இன்னல்களைத் தாங்க முடியுமா? சிறு அவமானத்தை ஏளனத்தைக் கூட என்னால் தாங்கமுடியாமல் எவ்வளவு கண்ணீர்த் துளிகள், புலம்பல்கள்? உண்மையை எடுத்தரைத்த போதும் நற்செயல்கள் செய்த போது நம்மைபிறர் ஏளனம் செய்து, குற்றம் சுமத்தியால் இறைமகன் இயேசுவைப்போல் அமைதி காத்து, இறைவனின் திருவுளத்தில் பங்குபெறுகின்றோம் என்று மனப்பூர்வமாக கற்றுக் கொள்வோம். நம்முடைய அனுதினம் செபம் தவம் போன்ற தியாகங்கள் நம்மிடையே மாற்றத்தைக் கொண்டு வரவேண்டும். புனிதவாரத்தில் இறைவனுடைய பாடுகளில் பங்குபெற்று அவருடைய நற்பண்புகளைப் பெறுவோம். என்ன நேர்ந்தாலும் ஆண்டவராகிய என்தலைவர் துணை நிற்கிறார். நான் அவமானம் அடையேன் என்ற நம்பிக்கை நம் உள்ளத்தில் இருக்கட்டும்.

என்னைக் கருப்பையினின்று வெளிக் கொணர்ந்தவர் நீரே; என் தாயிடம் பால்குடிக்கயைிலேயே என்னைப் பாதுகாத்தவரம் நீரே! கருப்பையிலிருந்தே உம்மைச் சார்ந்திருந்தேன்; நான் என் தாயின் வயிற்றில் இருந்தது முதல் என் இறைவன் நீரே. திருப்பாடல் 22:9-10

திருச்சபை நிகழ்வுகள்

Maundy Thursday
(Thursday, 29 March 2018, 22 days earlier)

Good Friday
(Friday, 30 March 2018, 21 days earlier)

Holy Saturday
(Saturday, 31 March 2018, 20 days earlier)

Easter Sunday
(Sunday, 01 April 2018, 19 days earlier)

Ascension
(Thursday, 10 May 2018, 20 days later)

Pentecost
(Sunday, 20 May 2018, 30 days later)

Whit Monday
(Monday, 21 May 2018, 31 days later)

Trinity Sunday
(Sunday, 27 May 2018, 37 days later)

இறையிரக்கத்தின் ஆண்டு